काठमाडौं । नेपाल सुपर लिग २०२५ मा साविक विजेता ललितपुर सिटी एफसीले पहिलो पटक जितेको छ ।
त्रिपुरशेवरको दशरथ रङ्गशालमा हिजो भएको खेलमा ललितपुरले पोखरा थन्डर्सलाई ३–२ गोलअन्तरले पराजित गरेको हो । जीतपछि दुई खेलबाट ४ अङ्क जोडेर ललितपुर अङ्कतालिकामा शीर्ष स्थानमा उक्लेको छ ।
पोखराको यो लगातार दोस्रो हार हो । दुई खेलबाट पोखरा अङ्कविहीन छ । ललितपुरका लागि विदेशी खेलाडी जोनाथान कान्टिलानाले दुई तथा इमोह इजेकेलेल एक गोल गरे ।
पोखराका लागि समिर तामाङ र विदेशी खेलाडी जोए आइडुले एक–एक गोल गरे । विवादका कारण केहीबेर तनावपूर्ण अवस्था भएपछि हिजोको खेल केहीबेर रोकिएको थियो ।
प्रतियोगितामा आज झापा एफसी र काठमाण्डौ रेजर्स खेल्दैछन् ।
क्याटेगोरी : खेलकुद, समाचार
थप समाचार
धेरै पढिएका
प्रतिक्रिया