काठमाडौं । क्यापिटल कलेज एण्ड रिसर्च सेन्टर (सीसीआरसी) ले एक विज्ञप्ति जारी गर्दै डा. राजकुमार राईको नाममा फैलिएको समाचारप्रति गम्भीर ध्यानाकर्षण भएको जनाएको छ ।
विज्ञप्तिअनुसार, गत चैत्र १५ गते भाटभटेनी चोरीकाण्डमा संलग्न रहेको आरोप लागेका डा. राजकुमार राई सीसीआरसी कलेजका निर्देशक भएको भन्ने कुरा पूर्ण रूपमा भ्रामक भएको स्पष्ट गरिएको छ । कलेज प्रशासनले डा. राई केही समयसम्म मात्र कार्यक्रम संयोजनको भूमिकामा कार्यरत रहेको तर उनले करिब १० वर्षअघिबाट कलेजसँग कुनै पनि जिम्मेवारी नलिएको र संस्थासँग कुनै सरोकार नरहेको स्पष्ट पारेको छ ।
सीसीआरसीका प्राचार्य हरिचन्द्र लामिछानेद्वारा हस्ताक्षरित विज्ञप्तिमा झूटो र आधारहीन समाचार प्रकाशन नगरिदिन आम सञ्चारमाध्यम र सरोकारवाला सबै पक्षलाई आग्रह गरिएको छ । साथै, बिना प्रमाण वा सत्यतथ्य छानबिन नगरी कलेजको नाम मुछ्ने कार्य संस्थाको प्रतिष्ठामा आँच पुर्याउने भन्दै यस्ता समाचारप्रति सतर्क रहन आग्रह गरिएको छ ।
सीसीआरसीले सत्यतथ्यमा आधारित पत्रकारिताको पक्षमा रहेको उल्लेख गर्दै भ्रामक समाचारप्रति गम्भीर असहमति जनाएको छ ।
क्याटेगोरी : समाचार
थप समाचार
धेरै पढिएका
प्रतिक्रिया