मोरङको रतुवामाईमा मोटरसाइकल दुर्घटना हुँदा एक दम्पतीको मृत्यु

उर्लाबारी, २३ चैत । मोरङको रतुवामाइमा मोटरसाइकल दुर्घटना हुँदा एक दम्पतीको मृत्यु भएको छ ।

दुर्घटनामा मोटरसाइकल चालक रतुवामाइ–१ कल्याणपुरका ४२ वर्षीय सोम टुडू र उनकी पत्नी ३५ वर्षीया वामनी हेमरामको मृत्यु भएको हो । टुडु रतुवामाई नगरको फोहोर व्यवस्थापन गर्ने ट्याक्टरको चालक रहेको रतुवामाइ नगर प्रमुखको सचिवालयका प्रमुख सचिव सुजित चौधरीले जानकारी दिए ।

जिल्ला ट्राफिक प्रहरी कार्यालय मोरङका अनुसार शुक्रवार राति १० बजे रतुवामाई नगरपालिका–६ त्रिभुवन चोकस्थित आमबारी भित्री सडक खण्डमा को ९ प ७२९५ नम्बरको मोटरसाइकल दुर्घटना हुँदा मोटरसाइकलमा सवार दुवै जनाको मृत्यु भएको हो ।

आमबारीबाट उर्लाबारीतर्फ आउँदै गरेको मोटरसाइकल आफैँ अनियन्त्रित भई बिजुलीको पोलमा ठोक्किएको थियो ।

थप समाचार

सूर्यविनायक–धुलिखेल सडक विस्तारको काम समयमै नसकिने

जाजरकोटको भूकम्पमा परी आठ जना घाइते

ललितपुरमा एम्बुलेन्सबाट लागुऔषध बरामद

वीरेन्द्रनगरमा कसले चलाएको गोली युवराज रिजालको घर छेडेर छिरेको हो…

कावासोतीमा बेच्न राखेको रायोको सागमा अत्याधिक विषादी, स्वास्थ्यमा गडबडी

बाजुराको बाउली खोलामा मृत अवस्थामा एक परुषको शव फेला