बेपत्ता पारिएका व्यक्तिको छानविन आयोग तथा सत्य निरुपण तथा मेलमिलाप आयोगको अध्यक्ष तथा सदस्य सिफरिस समितिले अध्यक्ष तथा सदस्य पदका लागि आवेदन दिएका आवेदकहरुको एकीकृत नामावली आज सार्वजनिक गरेको छ ।
समितिले गत २०८१ चैत्र २८ गते १० दिनको म्याद निर्धारण गरी आयोगका अध्यक्ष तथा सदस्यहरुका लागि आवेदन दिन आह्वान गरेबमोजिम २०८२ बैशाख ६ गतेसम्मको समयसिमा निर्धारण गरी आवेदन आह्वान गरेको थियो ।
आज सार्वजनिक गरिएको नामावली अनुसार दुवै आयोगको अध्यक्षमा ३२ जनाले आवेदन दिएका छन् भने बाँकी ७९ जनाले सदस्य पदका लागि आवेदन दिएका छन् । अध्यक्ष पदमा आवेदन दिने अधिकांशले सदस्य पदका लागि समेत हुने गरी आवेदन दिएका छन् । कुलचन्द्र गौतम, विपिन अधिकारी, राधेश्याम अधिकारी, केदारभक्त माथेमा, कल्याण श्रेष्ठ, गिरिशचन्द्र लाल हरिहर वस्ती, शेरबहादुर केसी, खिमलाल देवकोटा, लीलादेवी गड्तौला, डिल्लीराज आचार्य लगायतले अध्यक्षसहित सदस्यका लागिसमेत आवेदन दिएका छन् ।
स्मरण रहोस्, हालै प्रमुख तीन दलका शीर्ष नेताबीच तत्कालीन माओवादी र सरकारबीच भएको विस्तृत शान्ति सम्झौताबमोजिम टुङ्गो लगाउनु पर्ने महत्वपूर्ण पाटोका रुपमा रहेको सत्य निरुपण तथा मेलमिलाप आयोग र बेपत्ता पारिएका व्यक्तिको छानविन आयोग गठनका लागि ऐन संशोधन गर्ने र आयोग गठन गर्ने सहमति भएको सार्वजनि भएको थियो । शान्ति प्रक्रियाको अति संवेदनशील विषयलाई टुङ्गोमा पु¥याउन पटक–पटक ऐन संशोधन भए पनि आयोगले पूर्णता प्राप्त गर्न सकेको थिएन ।
पहिला यी दुवै कानुबमोजिम गठन हुन ढिला हुँदै गठन भएका थिए । पछि ती आयोग म्याद पनि नथपिएको अवस्थामा शान्तिप्रक्रियाका बाँकी काम अलपत्र परेको अवस्था थियो । अहिले आयोगका पदाधिकारी सिफरिस गर्न गठित समितिले आफूलाई दिएको जिम्मेवारी सक्रियतापूर्वक अगाडि बढाए पनि आयोगको अध्यक्ष र सदस्यमा आवेदन दिने कतिपय पात्रहरु शान्ति प्रक्रियालाई निष्कर्षमा पु¥याउनेभन्दा पनि विथोल्न भूमिका खेल्न पृष्ठभूमिका रहेको देखिन्छ । यस्तो अवस्थामा आयोगले पूर्णता पाउने र सुम्पिएको जिम्मेवारी पूरा गर्नेमै संशय देखिन्छ । शान्ति प्रक्रियालाई तार्किक र सही निष्कर्षमा पु¥याउन चिन्तित सबै पक्षले यस विषयलाई समयमै चनाखोपूर्वक खवरदारी र सचेततापूर्वक ध्यान पु-याउन पनि उत्तिकै आवश्यक रहेको द्वन्द्वपीडित बताउँछन् ।
क्याटेगोरी : समाचार
थप समाचार
धेरै पढिएका
प्रतिक्रिया