तुलसीपुर, १३ वैशाख । श्रीमानको किरिया कर्मकै अवस्थामा रहेकी भगवती शर्माको निधन भएको छ । तुलसीपुर उपमहानगरपालिका वडा नम्बर ७ मोतीपुरका नारायण आचार्यको निधन भएको ६ दिनपछि श्रीमती भगवती शर्मा किरिया बसेकै अवस्थामा शनिबार बिहान निधन भएको हो ।
शुक्रबार राति ११ बजे जीवनजल पानी खाएर सुतेतकी शर्मा बिहान उठाउने बेला न उठेपछि तत्काल राप्ती लाइफ केयर हस्पिटलमा लगिएको थियो ।
अस्पताल लगिए लगत्तै चिकित्सकले उनलाई मृत घोषणा गरेको विनोद शर्माले जानकारी दिए ।
शर्मा लामो समयदेखि सुगर, प्रेसर, कोलेस्ट्रोल रोगबाट पीडित थिइन् । शर्मा पनि एक दशकदेखि विभिन्न सामाजिक सङ्घसंस्थामा आबद्ध भएर काम गर्दै आएकी थिइन् ।
शर्मा नेपाल रेडक्रस सोसाइटीको केन्द्रीय सदस्य एवम् राप्ती प्रादेशिक अस्पताल विकास समितिको सदस्य थिइन् ।
यस अघि उनका पति नारायण आचार्यको गोली लागेर मृत्यु भएको थियो । घरमै रहेको १२ बोर बन्दुकले आफैँ गोली हानेर आत्महत्या गरेको प्रहरीको प्रारम्भिक प्रतिवेदनले उल्लेख छ ।
क्याटेगोरी : जनमञ्च, समाचार
थप समाचार
धेरै पढिएका
प्रतिक्रिया