गोरखाको सहिद लखन गाउँपालिकामा चट्याङ लागेर एक जनाको मृत्यु, पालुङटारमा दुई घाइते
सुलीकोट, १५ बैशाख । गोरखामा चट्याङ लागेर एक जनाको मृत्यु भएको छ भने २ जना गम्भीर घाइते भएका छन् । मृत्यु हुनेमा सहिद लखन गाउँपालिका – १ बक्राङका ४२ वर्षीय राजु खनालको मृत्यु भएको छ भने पालुङटार नगरपालिकाका – ७ का ५० वर्षीय सुक माया आले र उनीकी बुहारी १८ वर्षीय बिपना आले गम्भीर घाइते भएका जिल्ला प्रहरी कार्यालय गोरखका प्रहरी निरीक्षक धुब्र प्रसाद शर्माले जानकारी दिए ।
उनका अनुसार आइतबार बेलुका ८ः ५० बजे राती घरमा बसिरहेको अवस्थामा चट्याङ लागेर गम्भीर घाइते भएको उनले बताए । सहिद लखन गाउँपालिकाका खनाललाई इलाका प्रहरी कार्यालय मनकामनाको प्रहरी टोली र स्थानीयले गोरखा अस्पतालसम्म पुर्याएको प्रहरी निरीक्षक शर्माको भनाई छ ।
चट्याङ लागेर बेहोस भएका खनाललाई गोरखा अस्पतालमा उपचारको क्रममा राती १२:४० बजे चिकित्सकले मृतक घोषण गरेको जिल्ला प्रहरी कार्यालय गोरखाका प्रमुख वासुदेव पाठकले बताए । मृतक खनालको शब पोस्टमार्टमको लागि शब गृहमा राखिएको प्रहरी प्रमुख पाठकको भनाई छ ।
चट्याङमा परी पालुङटार – ७ का सुक माया आले र उनकी बुहारी बिपनालाई थप उपचारको लागि चितवनको नारायणी सामुदायिक अस्पताल पठाइएको बताइएको छ ।
क्याटेगोरी : पालिका, समाचार, स्वास्थ्य
थप समाचार
धेरै पढिएका
प्रतिक्रिया