पूर्व राष्ट्रिय सभा अध्यक्ष गणेशप्रसाद तिमिल्सिनाले बेल्ट एण्ड रोड इनिसिएटिभ (बीआरआई) परियोजना नेपालका लागि अत्यावश्यक भएको भन्दै यसको कार्यान्वयनमा ढिलाइ गर्न नहुने बताएका छन्।
काठमाडौँमा आयोजित एक छलफल कार्यक्रममा तिमिल्सिनाले बीआरआई परियोजनाबाट नेपालले महत्वपूर्ण फाइदा लिन सक्ने बताए। उनले परियोजनाबारे विभिन्न तहमा छलफल गरी जनस्तरमा विद्यमान भ्रमलाई चिर्नुपर्ने आवश्यकता औंल्याए। तिमिल्सिनाले श्रीलंकाको अनुभवलाई उदाहरण दिँदै, बीआरआई परियोजनाबाट श्रीलंकामा समस्या आएको भन्ने कुरा सत्य नभएको स्पष्ट पारे।
उनका अनुसार, बीआरआईमा हस्ताक्षर गर्दा तत्कालीन सरकारको सहमति थियो, चाहे त्यो सरकार कांग्रेसको होस् वा कम्युनिष्ट पार्टीको। तसर्थ, अब कुनै पनि राजनीतिक दलको विवादभन्दा माथि उठेर यो परियोजना कार्यान्वयन गर्न आवश्यक भएको बताए। साथै, नेपालले छिमेकी मुलुक भारत, चीन वा अन्य तेस्रो मुलुकसँग जनताको हितका लागि फाइदा लिनुपर्नेमा पनि उनले जोड दिए।
तिमिल्सिनाले बीआरआईलाई समयमै कार्यान्वयन गर्न सरकारले ठोस योजना बनाउनुपर्ने र यसबाट नेपाललाई अधिकतम लाभ कसरी लिन सकिन्छ भन्ने विषयमा विशेष ध्यान दिनुपर्ने धारणा राखे।
क्याटेगोरी : राजनीति
थप समाचार
धेरै पढिएका
प्रतिक्रिया