प्रतिपक्षी पाँच दलको १३ बुँदे ज्ञापनपत्र : पार्टी फुटाउने अध्यादेश ल्याए प्रतिरोध गर्ने चेतावनी
काठमाडौँ — पाँच प्रमुख प्रतिपक्षी दलहरूले संयुक्त रूपमा सरकारलाई १३ बुँदे ज्ञापनपत्र बुझाउँदै, पार्टी विभाजन गर्ने अध्यादेश ल्याएमा कडा प्रतिरोध गर्ने चेतावनी दिएका छन्। माओवादी केन्द्र, राष्ट्रिय स्वतन्त्र पार्टी, नेकपा एकीकृत समाजवादी, राष्ट्रिय प्रजातन्त्र पार्टी, र आमजनता पार्टीका नेताहरूले सोमबार प्रधानमन्त्री केपी शर्मा ओलीलाई ज्ञापनपत्र बुझाएका हुन्।
ज्ञापनपत्रमा सरकारद्वारा दुई दलको तानाशाही थोपर्ने र अन्य दलहरूलाई विभाजन गर्न खोज्ने कदमको विरोध गर्दै, यस्तो प्रयासले सुशासन र लोकतन्त्रको उपहास गरेको उल्लेख छ। प्रतिपक्षीहरूले सरकारलाई बाढीपीडितहरूलाई राहत दिन र दीर्घकालीन पुनर्स्थापना कार्य सुरु गर्न पनि आग्रह गरेका छन्।
ज्ञापनपत्रमा सरकारले विद्युत प्राधिकरण, शिक्षण संस्था, र अन्य सार्वजनिक संस्थानहरूमा बढ्दो राजनीतिक हस्तक्षेप र जनचाहनाविपरीतका क्रियाकलाप गरिरहेको आरोप लगाइएको छ।
ज्ञापनपत्रमा माओवादी केन्द्रका अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधव कुमार नेपाल, राप्रपाका अध्यक्ष राजेन्द्र लिङ्देन, राष्ट्रिय स्वतन्त्र पार्टीका उपसभापति डोल प्रसाद अर्याल, र आमजनता पार्टीका अध्यक्ष प्रभु साहले हस्ताक्षर गरेका छन्।
क्याटेगोरी : राजनीति
थप समाचार
धेरै पढिएका
प्रतिक्रिया