जनकपुरधाम, १७ मङ्सिर । स्थानीय तह उपनिर्वाचनमा धनुषाको धनुषाधाम नगरपालिका वडा नं १ बाट नेकपा (माओवादी केन्द्र) का उम्मेदवार सुनिल कापर केवट निर्वाचित भएका छन् ।
धनुषाको धनुषाधाममा १ वडा अध्यक्षका लागि मात्र भएको स्थानीय तह उपनिर्वाचनमा नेकपा माओवादीका केवट ६८४ मत ल्याएर अध्यक्ष पदमा निर्वाचित भएका हुन् ।
यसैगरी, उनका प्रतिस्पर्धी नेपाली कांग्रेसका उम्मेदवार अशोककुमार मण्डलले ६०२ मत प्राप्त गरे । यसैगरी, जनता समाजवादी पार्टी (जसपा) नेपालका अजयकुमार यादवले ४९९, नेकपा (एमाले) का प्रमोद यादवले ३६४, राष्ट्रिय प्रजातन्त्र पार्टी (राप्रपा)ले २७, राष्ट्रिय स्वतन्त्र पार्टी (रास्वपा)ले १० र जनमतले २५ पाए प्राप्त गरेका छन् ।
आइतबार भएको उपनिर्वाचनमा यहाँ कुल २२५८ मत खसेको थियो । यो वडामा यसअघि कांग्रेसका विश्वनाथ यादव निर्वाचित भएका थिए ।
क्याटेगोरी : पालिका, राजनीति
थप समाचार
धेरै पढिएका
प्रतिक्रिया