काठमाडौं, १८ पुस । बिहीबार पार्टी कार्यालय पेरिसडाँडामा बसेको स्थायी समिति बैठकमा अध्यक्ष पुष्पकमल दाहाल ‘प्रचण्ड’ले केन्द्रीय समिति बैठकमा पेस गर्ने राजनीतिक प्रतिवेदनका विषय राख्दै पार्टीभित्रको एकतालाई जोड दिएका छन् ।
‘आज त केन्द्रीय समिति बैठकका एजेन्डाबारे छलफल भयो, केन्द्रीय समिति बैठकमा पेस गर्ने राजनीतिक प्रतिवेदनबारे अध्यक्षले ब्रिफिङ गर्नुभयो,’ एक नेताले भने, ‘प्रतिवेदनमा पार्टी पुनःनिर्माण र सुदृढ गर्ने मेन स्प्रिट छ। एकताबद्ध भएर पार्टी अगाडि बढाउने, अन्य घटकसँग एकता गर्ने विषय समेटिएको छ। पार्टीभित्र एकताबद्ध भएर जाने, बाहिरका पनि विचार मिल्नेसँग एकता गरेर जाने भन्नुभएको छ।’
माओवादीले यही पुस २१ गतेदेखि केन्द्रीय समिति बैठक बोलाएको छ। सो बैठकमा प्रचण्डले राजनीतिक प्रतिवेदन पेस गर्दै छन्। यद्यपि, प्रतिवेदन स्थायी समिति सदस्यलाई उपलब्ध गराइएको छैन।
बैठकमा उनले मौखिक जानकारी दिएर सुझाव मागेको स्थायी समिति सदस्य जयपुरी घर्तीले जानकारी दिइन्।
क्याटेगोरी : राजनीति
थप समाचार
धेरै पढिएका
प्रतिक्रिया