काठमाडौँ, २७ पुस । पृथ्वीनारायण शाहको ३०३ औँ जयन्तीका अवसरमा राष्ट्रिय प्रजातन्त्र पार्टीले भृकुटीमण्डपमा चियापान कार्यक्रम गरेको छ। भृकुटीमण्डपमा आयोजित कार्यक्रममा प्रधानमन्त्री केपी शर्मा ओलीसहित विभिन्न दलका शीर्ष नेता उपस्थित भएका छन् ।
भृकुटीमण्डपमा प्रधानमन्त्री तथा नेपाल कम्युनिस्ट पार्टी ९एमाले० का अध्यक्ष ओलीलाई राप्रपाका अध्यक्ष राजेन्द्र लिङ्देनलगायत नेताले स्वागत गरेका थिए ।
चियापानमा प्रधानमन्त्रीसँगै मन्त्रिपरिषद्का सदस्य, सभामुख, राष्ट्रिय सभाका अध्यक्ष, विभिन्न राजनीतिक दलका अध्यक्ष तथा नेता, पूर्व प्रधानमन्त्री, संवैधानिक निकायका प्रमुखको उपस्थिति थियो ।
राप्रपा अध्यक्ष लिङ्देनको निमन्त्रणमा शीर्ष दलका नेतासँगै जलपान विदेशी कूटनीतिक नियोगका प्रमुख तथा प्रतिनिधि, सुरक्षा निकायका प्रमुख, विभिन्न पेसागत सङ्घसंस्थाका प्रमुख, कलाकार, खेलाडीसहित सामाजिक क्षेत्रका प्रतिष्ठित व्यक्तित्वको उपस्थिति थियो ।
क्याटेगोरी : राजनीति
थप समाचार
धेरै पढिएका
प्रतिक्रिया