अध्यादेश पारित गर्न भोलि बस्ने संघीय संसद बैठकमा अनिवार्य उपस्थित हुन कांग्रेसका सांसदहरुलाई ह्विप जारी
काठमाडौं, २० फागुन । नेपाली कांग्रेसले आफ्ना सांसदहरुलाई भोलि बस्ने संसद बैठकमा अनिवार्य उपस्थित हुन ह्विप जारी गरेको छ ।
भोलिको बैठकमा अध्यादेश पारित गर्नको लागि पेश गर्ने भएकाले कांग्रेसले पार्टीका सांसदहरुलाई अनिवार्य उपस्थित हुने निर्देशन दिएको हो । कांग्रेसका प्रमुख सचेतक श्याम घिमिरेले बैठकमा अनिवार्य उपस्थित हुन सांसदहरुलाई जानकारी गराएको बताए ।
जसपा नेपालसँग भूमिबाहेक अन्य पाँच अध्यादेश निर्णयार्थ पेश गर्ने सहमति भएपछि सरकारले भोलि सदनमा पेश गर्दैछ । यस अघि भूमि अध्यादेश अस्वीकार गर्ने जसपा नेपालको निर्णयपछि सरकारले अध्यादेश निर्णयार्थ पेश गर्न ढिलाइ गरेको थियो ।
क्याटेगोरी : राजनीति
थप समाचार
धेरै पढिएका
प्रतिक्रिया