काठमाडौं, २० चैत । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेपालगन्ज पुगेका छन्। अखिल नेपाल महिला संघ क्रान्तिकारीको लुम्बिनी प्रदेशको दोस्रो सम्मेलनमा सहभागी हुन अध्यक्ष प्रचण्ड नेपालगन्ज गएका हुन्। अध्यक्ष प्रचण्डसहित माओवादी केन्द्रका नेताहरू केहीबेर अघि नेपालगञ्ज पुगेका छन्।
यसैगरी माओवादी केन्द्रका नेताहरू यही चैत्र २१ र २२ गते जनतासँग माओवादी तराईमधेश जागरण अभियानअन्तर्गत बाँके र बर्दियामा हुने कार्यक्रममा सहभागी हुने प्रचण्डको सचिवालयले जनाएको छ। यसअघि उक्त अभियान स्थगित गरेर माओवादी नेताहरू राजधानी फर्किएका थिए।
चैत्र १५ गते काठमाडौंमा समाजवादी मोर्चाको जनसभा कार्यक्रममा सहभागी हुन माओवादी केन्द्रले उक्त अभियान स्थगित गरेको थियो। यो अभियान फागुन १२ गतेदेखि झापाको कचनकवलबाट सुरू भएको थियो।
क्याटेगोरी : राजनीति
थप समाचार
धेरै पढिएका
प्रतिक्रिया