महानगर प्रहरीको अवरोधका बीच ताला फुटाएर कार्यकक्ष प्रवेश गरे प्रमुख प्रशासकीय अधिकृत गुरागाईं
काठमाडौँ । काठमाडौं महानगरपालिकाका प्रमुख प्रशासकीय अधिृकत सरोज गुरागाईं महानगर प्रहरीको अवरोधका बीच महानगरपालिका कार्यालयमा हाजिर भएका छन् । उनलाई कर्मचारीहरू तथा जनप्रतिनिधि उपमेयर सुनिता ढंगोलदेखि एमालेका वडा अध्यक्षहरुले नै सुरक्षा दिएर कार्यकक्षसम्म पुर्याएका छन्।
महानगरका प्रहीले गुरागाईलाई रोक्न खोजे पनि कर्मचारीहरूकै सहयोगमा उनलाई कार्यकक्षमा लगाइएको ताला फुटाएरै हाजिर गराइएको छ । गुरागाईंलाई महानगरपालिका प्रवेशमा रोक्न मेयर बालेन्द्र साहले महानगर प्रहरी परिचालन गरी अवरोध गरेका थिए।
गुरागाईको कार्यकक्षमा ताला लागेको थियो । गत पुस ७ गतेदेखि गुरागाईंलाई मेयर बालेन्द्र साहले बिदामा बस्न निर्देशन दिएका थिए ।
प्रमुख प्रशासकीय अधिकृत नहुँदा महानगरपालिकाका कर्मचारी, शिक्षकले तीन महिनादेखि तलबभत्ता लिन पाएका छैनन्।
क्याटेगोरी : राजनीति
थप समाचार
धेरै पढिएका
प्रतिक्रिया