स्पेनिस ला लिगा फुटबलमा एथलेटिको मड्रिडले सेल्टा भिगोलाई १–० ले हराएको छ । सेल्टा भिगोको घरेलु मैदानमा गएराति भएको खेलमा मड्रिडका लागि इन्जुरी समयमा जुलियन एल्भराजले गोल गरे ।
यो जीतसँगै मड्रिड ७ खेलमा १५ अङ्कसहित तालिकाको तेस्रो स्थानमा छ । समान खेल खेलेको सेल्टा भिगो ९ अङ्कसहित दशौँ स्थानमा छ ।
गएरातिको अर्को खेलमा भिल्ला रियलले स्प्यान्योललाई २–१ गोलले हराएको छ । भिल्ला रियल चौथो स्थानमा रहँदा स्प्यान्योल १४ औँ स्थानमा छ ।
अर्को खेलमा लस पाल्मस र रियल बेटिसले १–१ गोलको बराबरी खेलेर अङ्क बाँडेका छन् । बेटिस ११ औँ स्थानमा छ भने लस पाल्मस पुछारमा छ ।
क्याटेगोरी : खेलकुद
थप समाचार
धेरै पढिएका
प्रतिक्रिया