काठमाडौं । काठमाडौंको एनआरटी क्लब पाँचथरको फिदिममा भइरहेको फाल्गुनन्द गोल्डकपको सेमिफाइनलमा पुगेको छ । आज भएको अन्तिम क्वाटरफाइनलमा एनआरटीले सिरहाको सहलेश युवा क्लबलाई पेनाल्टीमा ५–४ गोलले हरायो । योसँगै ११औं फाल्गुनन्द गोल्डकपको सेमिफाइनल समिकरण पूरा भएको छ ।
एनआरटीसँगै मच्छिन्द्र, चर्च ब्वाइज र आयोजक फिदिम सेमिफाइनलमा पुगेका छन् । फाइनलमा पुग्न भोलि चर्च ब्वाइजले आयोजक फिदिम स्पोर्टिङ क्लबसँग खेल्नेछ । त्यस्तै अर्को सेमिफाइनलमा एनआरटी र मच्छिन्द्रले खेल्नेछन् ।
गएको शनिवारदेखि शुरू भएको प्रतियोगिताको फाइनल खेल पुस १५ गते हुनेछ । प्रतियोगिताको विजेताले १० लाख पाँच सय ५५ रुपैयाँ तथा उपविजेताले पाँच लाख पाँच सय ५५ रुपैयाँ पुरस्कार प्राप्त गर्नेछन् ।
क्याटेगोरी : खेलकुद
थप समाचार
धेरै पढिएका
प्रतिक्रिया