काठमाडौँ, २५ पुस । इन्डो–नेपाल रनिङ शिल्ड भलिबल च्याम्पियनसिपको उपाधि टोली त्रिभुवन आर्मी क्लबले जितेको छ ।
बुटवलको रामनगर खेल मैदानमा बिहीबार भएको फाइनल खेलमा आर्मीले नेपाल पुलिस क्लबलाई ३–२ को सेटमा हरायो । विभागीय डर्बीमा आर्मीले १८–२५, २५–१८, २०–२५, २५–२२, १५–७ को नजिता निकालेको हो ।
उपाधिसँगै आर्मीले सात लाख र उपविजेता बनेको पुलिसले तीन लाख ५० हजार रुपियाँ पुरस्कार पायो । मदन भण्डारी स्पोर्टस् एकेडेमीको १६औं स्थापना दिवसको अवसरमा आयोजित च्याम्पियनसिपमा तेस्रो भएको मणिमुकुन्द भलिबल क्लबले एक लाख ७५ हजार रुपियाँ पायो ।
यस्तै चौथो भएको भारतको गुजरात स्टेट भलिबल एसोसिएसनले एक लाख रुपियाँ पुरस्कार पायो । पुस १७ गतेदेखि सुरु भएको प्रतियोगितामा नेपाल र भारतका गरी आठ टोलीको सहभागिता थियो ।
क्याटेगोरी : खेलकुद
थप समाचार
धेरै पढिएका
प्रतिक्रिया