म्याच फिक्सिङको आरोपमा मेक्सिकोमा सात जना फुटबल खेलाडी निलम्बनमा परेका छन् । सट्टेबाजी र म्याच फिक्सिङमा संलग्न भएको आरोपमा मेक्सिकन फुटबल सङ्घले तेस्रो डिभिजनका दुई वटा क्लबका सात जना खेलाडीलाई संयुक्त रूपमा ५७ वर्षका लागि निलम्बन गरेको अन्तर्राष्ट्रिय सञ्चारमाध्यमले जनाएका छन् ।
प्रतिबन्धमा पर्नेहरूमा ६ जना रियल अपोडाकाका र एक जना कोरेकामिनोस यूएटीका खेलाडी रहेका खबरमा उल्लेख छ । मेक्सिको फुटबल सङ्घको अनुशासन आयोग र क्लबहरूले निलम्बरमा परेका खेलाडीहरूको नाम खुलाएका छैनन् । यस्तै कुन–कुन खेलमा फिक्सिङ भएको थियो भन्नेबारे जानकारी प्राप्त भएको छैन ।
अपोडाका र कोरिकामिनोसका एकरएक जना खेलाडीलाई १६ वर्षका लागि तथा तीन जना खेलाडीलाई सात वर्ष र दुई जनालाई दुई वर्षका लागि निलम्बन गरिएको छ ।
सन् २०२३ मा स्थापना भएको रियल अपोडाकाले यही हप्ता आफ्ना ६ जना खेलाडीलाई निलम्बन गरिसकेको थियो । स्थानीय मिडियाका अनुसार रियल अपोडाकाका खेलाडीहरूले खेल जानीबुझी हारेका थिए ।
क्याटेगोरी : खेलकुद
थप समाचार
धेरै पढिएका
प्रतिक्रिया